Skip to main content

புனித பூமியில் ஒரு மனித அவலம்

நத்தார் தினம் உலகம் முழுவதும் கொண்டாடி ஓய்ந்தாகிவிட்ட போதிலும் இறைமகன் யேசு பாலன் பிறந்த பூமி இம்முறை நத்தார் பரிசுகளை பலஸ்தீனத்திற்கு வழங்கத் தீர்மானித்தது.

ஆம் பலஸ்தீனம் மீதான தாக்குதல்களை இஸ்ரேல் மீண்டும் வலிதாக்கியுள்ளது.

கடந்த சனிக்கிழமை முதல் பாலஸ்தீனத்தின் காசா பகுதி மீது நடத்தப்பட்டு வரும் இஸ்ரேலிய தாக்குதல்களில் இதுவரை 300 பேர் வரை உயிரிழந்துள்ளதாக தகவல்கள் வெளியாகியுள்ளன.700ற்கும் அதிகமானவர்கள் காயமடைந்துள்ளார்கள்.

இதுவரை வான்வெளிதாக்குதல்கள் மற்றும் பீரங்கி தாக்குதல்களில் ஈடுபட்டுள்ள இஸ்ரேலிய துருப்புகள் விரைவில் தரைப்படைகள் மூலம் காசா பகுதியை நோக்கி முன்னேற்ற நடவடிக்கைகளில் ஈடுபடவுள்ளதாகவும் எச்சரித்துள்ளன.

காசாவில் உள்ள ஹமாஸ் போராளிகளின் நிலைகள் மீதே தாக்குதல் நடத்தி வருவதாக வழமைபோல இஸ்ரேலும் அதன் ஊதுகுழல் ஊடகங்களும் பரப்புரைகளை ஆரம்பித்துள்ளன.

குhசாவில் உள்ள பள்ளி வாசல் மீது இஸ்ரேலிய உலங்கு வானூர்திகள் நடத்திய தாக்குதலில் 5 இளம் பெண்கள் பலியாதை தான் நேரில் கண்டதாக காசாவில் செயல்பட்டு வரும் தன்னாhவ பணயியாளர் ஒருவர் குறிப்பிட்டுள்ளார்

இஸ்ரேலிய விமானாத் தாக்குதல்களில் இருந்து உயிர் தப்ப எகிப்பதிய எல்லை நோக்கி ஓடிய பொதுமக்களi எகிப்திய படைகளின் சுடுகலன்கள் தான் வரவேற்றுள்ளன.
ஏகிப்பதிய படைகளின் தாக்குதலில் தஞ்சம் கேட்டு ஒடிய பொதுமகன் ஒருவர் பரிதாபகரமாக செத்து விழ ஏனையவர்கள் மீண்டும் காசா நோக்கி திரும்பி சென்றுள்ளனர்.

தந்போது எங்கும் தப்பிச் செல்ல முடியாத மக்கள் சாலை அணைக்க காத்திருக்கின்றார்கள்.


வழமைபோலவே ஐக்கிய நாடுகள் பாதுகாப்பு சபை காசாவில் அனைத்து விதமான வன்முறைகளையும் முடிவிற்கு கொண்டு வருமாறு “எல்லோருக்கும்” அனுப்பி வைக்கும் கோரிக்கையை அனுப்பி விட்டு அமைதியடைந்திருக்கின்றது.

செத்துப்போகின்றவர்கள் அமெரிக்கர்களாக அல்லாதவிடத்து கடுமையான நடவடிக்கைகள் எவையும் எங்கும் எடுக்கப்படமாட்டாது என்ற உலக பொதுவிதிக்கு அமைவான நடவடிக்கை தான் இது என்பது அனைவருக்கும் தெரியும்.

கடந்த சனிக்கிழமை முதல் காசாவில் இருந்து இஸ்ரேலிய எல்லைக்குள் 110 உந்துகணைகள் ஏவப்பட்டுள்ளதாக இஸ்ரேல் அறிவித்துள்ளது ஆனால் அதில் ஏற்பட்ட சேதங்கள் எவையும் வெளியாகவில்லை.

6 மாதங்கள் அமைதி காத்த அமைதி ஒப்பந்தம் காலவதியாகி ஒருவாரத்தினுள் இத்தனை அனர்தங்களும் அங்கு நடந்தேறியிருக்கின்றன.

24 மணித்தியாலத்தில் அடையாளம் காணப்பட்ட 210 இலக்குகள் மீது தாங்கள் தாக்குதல் நடத்தியதாக இஸ்ரேலிய பாதுகாப்பு தரப்பினர் அறிவித்துள்ளனர்.

ஹமாஸ் எதிர்பாரத பொழுதில் அதன் தலைமையகம் மீது அதிர்ச்சி தாக்குதல் நடத்தியுள்ளோhம் இது வெறும் ஆரம்பம் தான் களநலவரங்களின் போக்கிற்கு அமைவாக போரியல் யுக்திகள் மாறுபடும் ஹமாhஸ் இயக்கம் அழிக்கப்படும் வரை தாக்குதல் தொடரும் என இஸ்ரேலிய வெளிவிவகார அமைச்சர் லிவ்னி கூறியுள்ளார்.


இஸ்ரேலுடனான மோதலட தவிர்ப்பு ஒப்பந்தம் காலவதியானதை தொடர்ந்து ஹமாஸ் போராளிகள் வலிந்த தாக்குதல்களை ஆரம்பித்தமையே இந்த அவல நிலைக்கு காரணம் என்பதனை கண்டறிந்த அமெரிக்கா இதனை கண்டிப்பதாக அறிக்கை வெளயிட்டுள்ளது.

காசவில் உள்ள பலஸ்தீன மக்களை அங்கிருந்து வெளியேறுமாறும் அவர்களுக்கும் தமக்கு எந்தவிதமான பகையுமில்லை என்று இஸ்ரேலிய பிரதமர் ஏகூட் ஒல்மட் அறிவித்துள்ளார்

பலஸ்தீன மக்களை ஹமாஸ் அமைப்பு கேடயமாக பயன்படுத்தி வருவதாகவும் எனினும் பொதுமக்களுக்கு பாதிப்பு ஏற்படாத வகையில் தாங்கள் அடையாளம் காணப்பட்ட இலக்குகள் மீது மட்டுமே தாக்குதல்களை நடத்தி வருவதாகவும் அவர் கூறியுள்ளார்.(அங்கேயுமா ?)

1967ல் ஆரம்பித்த ஆக்கிரமிப்பிற்றான ஆவல் இன்னும் இஸ்ரேலிடம் இருந்து விலகவில்லை. பலஸ்தீன விடுதலைப் போராட்டம் ஏன் ?எதற்கு ? எப்படி ? விரைவில்

Comments

Popular posts from this blog

முகம் தந்த மனிதருக்கு நன்றிகளுடன்...

கடந்து செல்லும் காலங்களில் நாங்கள் பல முகங்களை மறந்து விடுகின்றோம் அல்லது அந்த முகங்கள் எங்கள் மனங்களில் இருந்து விலகிச் சென்றுவிடுகின்றன.

எங்கள் வளர்ச்சியிலும், உயர்ச்சியிலும் பங்கெடுத்த முகங்களும் கால ஓட்டத்தில் எங்கள் மனங்களில் இருந்து காணமால் போய் விடும் துயரங்களும் நிகழ்வாகின்றன.



நான் ஒலிபரப்புத் துறையில் எதனையும் பெரிதாக சாதிக்கவில்லை என்பது எனக்கு நன்றாகவே தெரியும்.

எனினும் வானொலி நிகழ்சிகளின் போதோ சந்திப்புகளின் போதோ சிலர் எனது ஒலிபரப்பு குறித்து தெரிவிக்கும் பாராட்டுகள் என்னை குற்ற  உணர்ச்சி கொள்ளச் செய்கின்றன.

இந்த பாராட்டுகளையும் வாழ்துக்களையும் எனக்கான அடையாளத்தையும் ஏற்படுத்தி தந்து விட்டு மௌனமாக கடந்து போகின்ற அந்த ஓரு மனிதர் குறித்து நான் என்ன செய்யப் போகின்றேன் என்ற கேள்வி எழுந்து கொண்டே இருக்கின்றது.

எனக்கு கிடைக்கும் பாராட்டுகளுக்கும் வாழத்துகளுக்கும் முழு முதல் காரணமானவர் அவர்.

கால ஓட்டத்தில் அவரின் முகம் சில வேளைகளில் எங்கள் மத்தியில் இருந்து மறந்து போகலாம் ஆனால் அவர் ஏற்படுத்தி விட்டுள்ள வானொலிக் கலாசாரம் என்றும் அவரின் பெயரை உரத்துச் சொல்லியவாறே இருக்கும் என்று …

ஒரு துவக்கும் ஒரு மோதிரமும் - A Gun and a Ring

ஒரு துவக்கும் ஒரு மோதிரமும் என்று பெயர் வைப்பதற்கு தான் அவர்கள் முதலில் யோசித்தார்கள் பின்னர் அது ஆங்கில வடிவம் பெற்று இன்று  A Gun and a Ring   ஆக எங்கள் முன் காட்சிப்படுத்தபபட்டுள்ளது.கடந்த சனிக்கிழமை இரவு இந்த திரைப்படத்தின் முன்னோட்டக்காட்சியினை காணும் சந்தர்ப்பம் எனக்கும் கிடைத்தது.




சீனாவில் நடைபெற்ற திரைப்பட விழாவிலும் மொன்ரியல் திரைப்பட விழாவிலும் சிறந்த திரைப்படம் என்ற அடையாளத்தை பெற்றிருக்கும் இந்த திரைப்படம் பெருமளவான எதிர்பார்பை ஏற்படுத்தி விட்டுள்ளதை அரங்கில் திரண்டிருந்த இரசிகர்களின் எண்ணிக்கை புலப்படுத்தியது.

நம்வர்கள் படைப்புகள் என்றாலே தூர விலகி ஓடும் நம்மவர்களே நான்கு அரங்குகளிலும் இதன் முதல் காட்சியை பார்க்கும் ஆவலோடு காத்திருந்தமை ஆரோக்கியமான மாற்றத்தின் அறிகுறி.

அந்த ஆவலை எந்த வகையிலும் பாதிக்காத படைப்பாக அது அமைந்திருந்தது மகிழ்ச்சிக்குரியது.

80 களில் ஆரம்பித்த தமிழ் மக்களின் விடுதலைக்கான ஆயுதப் போராட்டம் 2009 ல் முடிவிற்கு கொண்டு வரப்பட்டுள்ளது.

இதனை ஒரு தகவலாக அல்லது செய்தியாக மாற்றினங்கள் கடந்து போகக் கூடும் ஆனால் இந்த மூன்று தசாப்பதங்களையும் யுத்த முனைகளிலும் …

பன்னிரண்டாவது வருடத்தில் சூரியன்....

நேற்று போல் தான் இருக்கின்றது ஆனாலும் 11 வருடங்கள் உருண்டோடி முடிந்து விட்டது.சூரியன் தனது ஒலிக்கரங்கள் கொண்டு தமிழ் பேசும் நெஞ்சங்களை அரவணைக்க ஆரம்பித்து 11 ஆண்டுகள் நிறைவடைகின்றது.



எத்தனை சாதனைகள் எத்தனை வேதனைகள் அத்தனையும் தாண்டி இன்றும் மக்கள் மனங்களில் தனித்துவமான அடையாளத்தோடு நிமிர்ந்து நிற்கின்றான் சூரியன்.

உலக வர்த்தக மையத்தின் 35வது தளத்தில் இருந்து இலங்கை முழுவதற்கும் தமிழ் பரப்பும் வானொலியின் 11 வருடம் என்பது தமிழ் பேசும் மக்கள் அனைவரும் பெருமை கொள்ளத்தக்கது.இலங்கையின் முதன் முதலாக 24 மணி நேர தமிழ் ஒலிபரப்பை ஆரம்பித்த தனியார் ஒலிப்பரப்பு ஊடகம் சூரியன்.

வானொலி மீதான மக்களின் அவதானிப்பு குறைவாக இருந்த காலத்தில் ஒரு புரட்சிகரமான மாற்றத்தை ஏற்படுத்தியது சூரியன் என்பதில் எவருக்கும் மாற்றுக் கருத்துக்கள் இருக்க முடியாது.வானொலிக்கென வகுக்கப்பட்ட சம்பிரதாயங்களை உடைத்து ஒரு மாற்றத்தை தமிழ் ஊடகப் பரப்பில் ஏற்படுத்திக் காட்டியது சூரியன்.





தமிழ் ஒலிபரப்பு துறையின் தாயகமான இலங்கை ஒலிபரப்புக் கூட்டுத்தாபனத்தில் பல வருடங்கள் பணியாற்றிய பழுத்த ஒலிபரப்பாளர் நடராஜசிவம் தலைமையில் புதிய இளைஞர்கள் க…