Skip to main content

ஒரு யானை... ஒரு பாடம்... ஒரு கதை...



வருடம் பிறந்த போது பதிவிட்ட பின்னர் இந்த மாத இறுதியில் மற்றுமொரு பதிவிடும் வாய்ப்பு கிடைத்திருக்கின்றது.

வழமை போல் தான் நேரமுகாமைத்துவ சிக்கல் தான் பதிவின் பக்கம் அண்டவிடாமல் செய்து வருகின்றது.

நேற்று சர்வதேச வாத்தகம் தொடர்பான வகுப்பில் பேராசிரியர் ஒருவர் கூறிய கதையை உங்களுடன் பகிர்ந்து கொள்ளவே இந்த பதிவு.

அமெரிக்காவின் பிரபலமான முகாமைத்துவ கற்கை பல்கலைக்கழகங்களில் ஒன்றான ஹவார்ட் பல்கலைக் கழகத்தின் புதுமுக மாணவர்களுக்கான ஆரம்ப நாள் வகுப்பு அது பல்வேறு நாடுகளில் இருந்தும் புலமைப்பரீசில் பெற்று வந்த மாணவர்களால் நிறைந்திருந்தது

முதல் நாள் மாணவர்களின் ஆளுமைகளை அறியும் பல்வேறு நடவடிக்கைகளின் ஒரு அம்சமாக பேராசிரியர் ஒருவர் யானை பற்றி எழுதுமாறு மாணவர்களை கேட்டுக் கொண்டார்.

மாணவர்கள் எழுதிய ஆய்வுகள் பற்றிய சுருக்க குறிப்புகள் இனி..

அமெரிக்க மாணவன்
யானையின் பொருளாதார பயன்கள் அதன் மூலம் எப்படி அமெரிக்காவின் பொருளாதாரத்தை மேம்படுத்தலாம்,அமெரிக்க பொருளாதார சரிவில் இருந்து மீள்வதற்கு யானையை எவ்வாறெல்லாம் பயன்படுத்த முடியும் என்பது பற்றி ஒரு ஆய்வினை எழுதி முடித்தான்.

பிரித்தானிய மாணவன்
யானையின் குண நலன்கள் குறித்தும், அது வித்தியாசமான சந்தர்ப்பங்களில் எவ்வாறு நடந்து கொள்ளும்,அதனது நடத்தை கோலங்கள் எப்படி பட்டவை என்பது பற்றி விபரித்து ஒரு கட்டுறை எழுதினான்

பிரான்ஸ் மாணவன்
யானையின் பாலியல் செயல்பாடுகள் அதன் விருப்பு வெறுப்புகள் போன்ற விடயங்களை ஆழமாக ஆராய்ந்து எழுதினான்.மாற்று பாலனத்தை கவர யானை எப்படியான நடவடிக்கைகளில் ஈடுபடும்,தனது அன்பை அது எப்படி வெளிப்படுத்தும் என்பது பற்றியது அவனது ஆய்வு

ஜேர்மனிய மாணவன்
யானை மூலமாக பெறப்படக் கூடிய கைத்ததொழில் துறை பயன்பாடுகள் பற்றி தனது ஆய்வினை மேற்கொண்டான்.ஜேர்மனிய கைத்தொழில் துறையின் மேம்பாட்டில் யானையின் பயன்பாடு பற்றிய வரலாற்று ஆதாரங்களை அவன் தனது ஆய்வில் வெளிப்படுத்தியிருந்தான்.

ஜப்பானிய மாணவன்
யானையை எப்படி சிறியதாகவும் வினைத்திறன் மிக்கதாகவும் உருவாக்க முடியும் என்றும்,குறைந்த உணவை வழங்கி கூடுதல் பயனை பெறக்க கூடியதாக யானையை வடிவமைப்பதற்கான ஏது நிலைகள் பற்றி ஆய்வு செய்திருந்தான்.பொன்சாய் தாவரங்கள் போல் யானையை வீட்டில் வளர்க்கக் கூடிய புனைக் குட்டி நாய்க் குட்டி அளவில் படைக்க முடியும் என்பது அவனின் வாதம்.

இந்திய மாணவன்
மதங்களில் யானை என்ற தலைப்பில் தனது ஆய்வினை மேற்கொண்டான்,இந்திய மதங்களில் யானைக்கு வழங்கப்பட்டுள்ள இடம்,வரலாற்றில் யானைக்கும் மனிதர்களுக்கும் இடையில் இருந்த தொடர்புகள் என அவனது ஆய்வு அமைந்திருந்தது

இலங்கை மாணவன்
ஒரு யானையை எப்படி திருடலாம் என்பது பற்றி எழுதியிருந்தான்,எங்கள் ஊரில் கிணற்றையே களவாடியவர்கள் இருக்கின்றார்கள் யானை எல்லாம் எமக்கு எம்மாத்திரம் என்பது நம்மாளின் கருத்து.

இந்த கதையை சொல்லி முடித்த பின்னர் எமது பேராசிரியர் சொன்ன ஒரு தகவல் தான் உச்சம் எமது நாட்டின் அதிகாரமவருக்கு அடுத்த நிலையில் இருக்கின்றவர் (இப்போதும் அப்பபோதும்) யானை திருடிய குடும்பத்தைச் சேர்ந்தவராம் அவரது மூதாதையர்கள் யானை திருடிகள் என்றே அழைக்கப்பட்டனராம்..இப்ப அவர் அதிகாரத்திற்கு வந்துவிட்டதால் பராம்பரியங்களை மறைக்க முடியாது தானே என்றும் சொன்னார்.

( பிரதான எதிர்கட்சியின் சின்னம் யானை என்பதும் அந்த கட்சியின் பெரும்பாலான உறுப்பினர்கள் அரசாங்கத்துடன் சேர்ந்து விட்டார்கள் என்பதும் தற்செயலான விடயம்.)

Comments

:-)

கடைசிப் பந்தியில் கூறிய தகவல் புதியது..:-)
observer said…
வணக்கம் நாங்கள் தினம் ஒரு மென்பொருள் என்னும் பெயரில் ஒரு பதிவு எழுதி வருகிறோம் . அதற்கு உங்கள் ஆதரவு தேவை , எங்களை ஆதரிக்க விரும்பினால் கீழே ஆங்கிலத்தில் உள்ள code ஐ உங்கள் வலைப்பதிவில் பதியலாம் .இந்த code ஐ copy செய்து உங்கள் வலைப்பதிவில் ->layout->Add a Gadget ->HTML/JavaScript குச் சென்று paste செய்து பதிந்து விடவும் மிக்க நன்றி .code ஐ பெறுவதற்கு http://tamilwares.blogspot.com/2009/01/support-us.html
பிரபா said…
கடைசியில "எஸ்கேப்" ஆனா போல இருக்கு . நன்றி ரமணன் அண்ணா !
Mathu said…
:) Interesting!! Hehe!
ஒரு ஊடகத்துறை மாணவன் எழுதியிருந்தால் - இணையத்தளத்தில் யானை பற்றி உள்ள அனைத்தையும் சேகரித்துத் தொகுத்து எழுதிவிட்டு, இந்தத் தகவல்கள் அனைத்தையும் முதன்முதலில் தந்தது தானே என்று முடித்திருப்பான்.. ஹி... ஹி.... அந்தநாள் ஞாபகம்.
nTamil said…
Hi

உங்களுடைய வலைப்பதிவு இணைப்பை www.ntamil.com ல் சேர்த்துள்ளோம்.

இதுவரை இந்த www.ntamil.com இணையதளத்தில் நீங்கள் பதிவு செய்யவில்லை எனில், உங்களை உடனே பதிவு செய்து, உங்களது புதிய வலைப்பதிவை உடனுக்குடன் பூர்த்தி செய்து, உங்கள் வலைப்பதிவை, உலகம் முழுவதுமாக பரவி உள்ள தமிழ் வாசகர்கள் முன் கொண்டு செல்லுங்கள்.

நட்புடன்
nTamil குழுவிநர்
ரமணன் said…
நல்ல கதை.

Popular posts from this blog

காலம் கடந்த நீதி - யுத்தக் குற்றவாளிகளுக்கு எதிரான யுத்தம்

நெதர்லாந்தின் ஷெவனிங்கன் நகரம் வழமைக்கு மாறான பரபரப்புடன் காணப்பட்டது.இந்த நகரத்தில் உள்ள ஐக்கிய நாடுகள் சபையின் சிறைச்சாலைச் சூழல் ஊடகர்களாலும் பொதுமக்களாலும் நிறைந்திருந்து. வானத்தில் பறந்த வெளிர்நீல உலங்கு வானூர்த்தி அதன் இரைச்சலை விடவும் அதிகமான மக்களின் இரைச்சலின் மத்தியில் தரையிறங்கியது.
உலகம் 16 வருடங்களாக வலைவிரித்துத் தேடிய ஒருவர் அந்த உலங்கு வானூர்த்தியில் அழைத்து வரப்பட்டமை தான் அந்த பரபபரப்பான சூழ்நிலைக்கு காரணம்.
அவரின் பெயர் ஜெனரல் ரட்கோ மெலடிச் - பொஸ்னியாவில் 95 ஆம் ஆண்டு சுமார் 7500 முஸ்லீம்களை படுகொலை செய்வதற்கு காரணமானவராக கருதப்படுபவர் தான் இந்த மெலடிச்.

வடக்கு சேர்பியாவின் லாசாரெவு என்ற கிராமத்தில் வைத்து கடந்த 16ம் திகதி சேர்பிய பொலிசாரால் கைது செய்யப்பட்ட ஜெனரல் மெலடிச் சர்வதேச போர்க்குற்றவியல் நீதிமன்ற விசாரணைகளுக்காவே நெதர்லாந்திற்கு நாடு கடத்தப்பட்டுள்ளார்.

இரண்டாவது உலக மகா யுத்தத்தின் பின்னர் ஐரோப்பாவில் இடம்பெற்ற பாரிய இன அழிப்பின் சூத்திரதாரிகளில் ஒருவராக மெலடிச் கருதப்படுகின்றார்.

பொஸ்னிய படுகொலைகள் என அழைக்கப்படும் இன அழிப்பினை நேரடியாக வழிநடத்தியவர் அவர் என …

நான் .. ஊடகம் .... இன்னும் சில...

இது எனது 50வது பதிவு, மிக மிக நீண்ட கால இடைவேளைகளை எனது பதிவுகள் எடுத்துக் கொள்வதால் சுமார் மூன்று வருடங்களில் என்னால் 50 பதிவுகளையே எழுதி கிழிக்க முடிந்துள்ளது. இந்த பதிவு என்னை பற்றியதும் எனது ஊடகப் பயணம் பற்றியதும் மட்டுமே.

99ம் ஆண்டு முழு நேர ஒலிபரப்பு ஊடகவியலாளனாய் எனது பயணம் ஆரம்பித்தது. 12 வருடங்கள் ஊடகப்பரப்பில் வெவ்வேறு தளங்களில் பயணித்திருக்கின்றேன். ஒலிபரப்பளான், செய்தியாளன், விளம்பரப் பிரதி எழுத்தாளன், பத்திரிகை உதவி ஆசிரியர், செய்திப் பணிப்பாளர், நவீன ஊடக முகாமையாளர் என வெவ்வேறு பணிகளில் ,பணிச் சூழல்களில் இயங்கி வந்துள்ளேன்.

இந்த பயணம் நானாகவே விரும்பி ஏற்றுக் கொண்ட பயணம். துயரங்கள், துரோகங்கள், காட்டிக் கொடுப்புகள் கழுத்தறுப்புகள் என பல முனைக்கத்திகள் குத்திக் கிழிக்க காத்திருக்கும் ஊடகத்துறையில் நான் எவரையும் எந்த சந்தர்ப்பத்திலும் எதற்காகவும் காயப்படுத்தாமல் முன் நகர்ந்திருக்கின்றேன் என்பதையே பெருமையாகவும் மகிழ்வாகவும் கருதுகின்றேன். சில சந்தரப்பங்களில் சந்தர்ப்பவாதங்கள் என்னை பந்தாடிய போதும் என்னால் எவரும் பாதிக்கப்படக் கூடாது என்ற கொள்கையில் மாற்றமின்றி நிலைத்திரு…

ஓலி(வாங்கி)யால் எழுதும் (என்) கதை

எனக்கான அடையாளம் சூரியனாகத்தான் இப்போதும் இருக்கின்றது.1999 முதல் இன்று வரை சூரியனோடு வேறு வேறு தளங்களில் இயங்கிக் கொண்டிருப்பதால் மட்டுமன்றி எனது வாழ்கையின் பல்வேறு கால கட்டடங்களை தீர்மானிக்கும் சக்தியாகவும் சூரியன் தான் இருந்திருக்கின்றது.இரண்டு தீர்வுகளின் சந்திப்பு புள்ளியாக சூரியன் மாறிப்போனது.

சிறுவயது முதலே ஒலிவாங்கி மீதான காதல் எனக்குள் கூடுகட்டியிருந்தது.
ஒலிபரப்பு,அறிவிப்பு, வானொலி … என இவை எவை குறித்த தார்பரியங்களும் விபரங்களும் அறியாத வயதில் எனக்கும் ஒலிவாங்கிக்கும் இடையில் ஏற்பட்டிருந்த பிணைப்பு அது.

எங்கள் ஓர் கோவில் திருவிழாவில் வருடா வருடம் நடைபெறும் இசை நிகழ்ச்சிகள் தான் இந்த காதலின் தொடக்கப்புள்ளியாக இருந்தன.
அருணா இசைக் குழு,கவிதாலாய, ராஜன்ஸ் என யாழ்பாணத்தில் புகழ்பூத்த இசைக் குழுக்களையெல்லாம் எங்கள் ஊர் மண் வாசத்தை சுவைத்தபடி இரசித்திருக்கிறேன்.

ஒவ்வொரு பாடலின் ஆரம்பத்திலும் அந்த பாடலை அறிமுகம் செய்ய அறிவிப்பாளர் மேடை ஏறுவார் அந்த பாடல் பற்றிய ஒரு அறிமுகம் பாடகர் அறிமுகம் என கம்பீரக் குரலில் அவர்கள் செய்யும் அறிவிப்புகளில் மயங்கி கிறங்கி கிடந்த வயது அது.

ஒலிபெருக்கிகள்…