Skip to main content

உலகை உலுக்கும் இடப்பெயர்வுகள் இலங்கை மீதான கவனம் நீடிக்குமா?

உலகில் 42 மில்லியன் மக்கள் வேரோடி விழுதெறிந்த தமது தாய் மண்ணை விட்டு வெளியேற்றப்பட்டுள்ளனர்.

உலகம் முழுவதிலும் சுமார் 42 மில்லியனுக்கும் அதிகமான மக்கள் தாங்கள் விழுதெறிந்து வாழ்ந்துவந்த சொந்த மண்ணை விட்டு வெளியேற்றப்பட்டுள்ளனர் என்ற அதிர்ச்சித் தகவலை ஐ.நா. வெளியிட்டுள்ளது. இவர்களில் 26 மில்லியன் பேர் தமது சொந்த நாட்டிலேயே இடம்பெயர்ந்துள்ளதாகவும், ஏனைய 16 மில்லியன் மக்களும் தமது நாடுகளிலிருந்து வெளியேறி வேறு நாடுகளில் அகதித் தஞ்சம் கோரியுள்ளதாகவும் ஐக்கிய நாடுகள் உயர்ஸ்தானிகராலயம் அண்மையில் வெளியிட்டுள்ள அறிக்கையில் குறிப்பிடப்பட்டுள்ளது.

இறந்தவர்களை உயிர்ப்பிக்கவும், இறப்பினைத் தள்ளிவைக்கவும் விஞ்ஞானம் வழி தேடிக்கொண்டிருக்கும் இந்தக் காலகட்டத்தில், உலக அளவில் பல நாடுகளிலும் இந்த மனிதப் பேரவலம் அரங்கேறிக்கொண்டிருக்கின்றது.

அதிகரித்துவரும் இந்த இடம்பெயர்வுப் போக்கு ஐக்கிய நாடுகள் சபைக்கு மிகப்பெரும் சவாலாக மாறியுள்ளது. எந்தவொரு தனிப்பட்ட அமைப்பும் உலக அளவில் இவ்வளவு தொகையில் இடம்பெயர்ந்துள்ள மக்கள் அனைவருக்குமான மனிதாபிமானப் பணிகளை தனித்து முன்னெடுக்க முடியாது. அகதிகளுக்கான ஐக்கிய நாடுகள் உயர்ஸ்தானிகராலயம் உலகில் இடம்பெயர்ந்த இந்த 42 மில்லியன் மக்களில் சுமார் 17 மில்லியன் மக்களுக்கு மட்டுமே (இடம்பெயர்ந்தோர் தொகையில் அரைவாசிக்கும் குறைவானவர்களுக்கே) நிவாரண உதவிகளை வழங்கி வருகின்றது. இவ்வாறு, அனைத்துலக அளவில் செயல்படும் மிகப்பெரிய அமைப்பினால் கூட கையாளப்பட முடியாததொரு நிலையை உலகின் இடப்பெயர்வுப் பிரச்சினை எட்டிவிட்டது.

அனைத்துலக அளவில் செயல்படும் மிகப்பெரிய அமைப்பான அகதிகளுக்கான ஐ.நா. அமைப்பினால் கூட கையாளப்பட முடியாததொரு நிலையை உலகின் இடப்பெயர்வுப் பிரச்சினை எட்டிவிட்டது.

தமது தாய் மண்ணை விட்டுப் பிடுங்கி வீசப்பட்டுள்ள இந்த இடம்பெயர்ந்த மக்கள் தொகையில் 80 சதவீதமானவர்கள் அவிருத்தியடைந்துவரும் நாடுகளைச் சேர்ந்தவர்களே. அபிவிருத்தியடைந்த நாடுகளில் உற்பத்திசெய்யப்படும் ஆயுதங்கள் இந்த அபிவிருத்தியடைந்துவரும் நாடுகளில் உள்நாட்டுப் போர்களுக்குத் தூபமிட்டு, அவை முடிவின்றித் தொடர ஊக்குவிக்கிவிப்பதே இவ்வாறான அதிகரித்த இடப்பெயர்வுகளுக்குக் காரணம் என்று கூறுப்படுகிறது.
உலகில் கூடுதலான இடம்பெயர்ந்த மக்களைக் கொண்ட நாடாக இருக்கும் கொலம்பியாவில் எறத்தாள 3 மில்லியன் மக்கள் இடம்பெயர்ந்துள்ளனர். தொடர்ச்சியாக மோதல்கள் நடைபெற்றுவரும் ஈராக்கில் ஏறத்தாள 2.6 மில்லியன் மக்களும், சூடானின் டர்பார் பகுதியில் 2 மில்லியன் மக்கள் இடம்பெயர்ந்துள்ளனர். அண்மையில் பாகிஸ்தானில் ஆரம்பமான மோதல்களால் இடம்பெயர்ந்தவர்களின் தொகையும் 2 மில்லியனைத் தாண்டிவிட்டது.
இடம்பெயர்ந்த இந்த 42 மில்லியன் மக்கள் உட்பட, உலக அளவில் 100 மில்லியனுக்கும் அதிகமான மக்கள் உலக உணவுத் திட்டத்தின் உணவை மட்டுமே நம்பி வாழ்வதாகக் கணிப்பீடொன்று கூறுகிறது. இந்த மக்கள் தமக்கான அடிப்படைத் தேவைகளுக்குக் கூட உலகிடம் கையேந்தி நிற்கின்றார்கள்.

இந்த நிலையிலும், உலகப் பொருளாதாரத்தில் ஏறத்தாள 1500 பில்லியன் அமெரிக்க டொலர்கள் உலக நாடுகளின் பாதுகாப்புச் செலவீனமாக ஒவ்வொரு வருடமும் ஒதுக்கீடு செய்யப்பட்டு வருகின்றது. பாதுகாப்புச் செயற்பாடுகளுடன் தொடர்புபட்டதாக மேற்கொள்ளப்படும் இன்னும் பல மறைமுகச் செலவீனங்களின் அளவு இதைவிடவும் அதிகம் என்று கூறப்படுகின்றது.
இவ்வாறான உலகப் போக்குகளின் அடிப்படையில் இலங்கையின் உள்நாட்டில் இடம்பெயர்ந்த மக்களின் நிலையை ஒப்பிடும்போது அது உலகளவில் குறைந்தளவு முக்கியத்துவத்தையே பெறுகிறது. எனினும், ஓவ்வொரு நாட்டிலும் உள்நாட்டில் இடம்பெயர்ந்த மக்கள் வௌ;வேறு விதமான நெருக்கடிகளுக்குள் வாழ்வதால், அவர்களின் வாழ்வை வேறு பகுதி மக்களோடு ஒப்பிட்டுப் பார்க்க முடியாது என்கிறார் உள்நாட்டில் இடம்பெயர்ந்த மக்களுக்கான ஐ.நா.வின் விசேட பிரதிநிதி வோல்டர் கெலின்.

இலங்கை அரசாங்கம் வெளியிட்டுள்ள உத்தியோகபூர்வத் தகவல்களின்படி, இலங்கையின் வடபுலத்தில் அமைக்கப்பட்டுள்ள நலன்புரி நிலையங்களில் 262,632 உள்நாட்டில் இடம்பெயர்ந்த மக்கள் வாழ்கின்றனர். இவர்களில் ஆகக் கூடுலான 235,386 பேர் முல்லைத்தீவு மாவட்டத்தில் இருந்தும், 21,079 பேர் கிளிநொச்சி மாவட்டத்தில் இருந்தும், யாழ்ப்பாணத்தில் இருந்து 2,778 பேரும், வவுனியாவில் இருந்து 1,864 பேரும் திருகோணமலையில் 1,054 பேரும் மன்னாரில் 471 பேரும் இடம்பெயர்ந்துள்ளதாக அந்தத் தகவல் கூறுகின்றது.

இவர்கள் அனைவரும், உணவு மற்றும் குடிநீருக்கான தட்டுப்பாடு, நடமாடும் சுதந்திரம், தமது பிரச்சினைகள் குறித்து வெளிப்படையாகப் பேசுவதற்கான கருத்தாடல் சுதந்திரம், குழுநிலை மோதல்கள், கற்றல் நெருக்கடிகள், பாலியல் துன்புறுத்தல்கள், கலாசரா சீரழிவுகள், மாற்று கலாசார உள்வாங்கல்களின் ஊடாக பாரம்பரிங்களை தொலைத்தல் எனப் பல்வேறு நெருக்கடிகளுக்கு முகம்கொடுத்திருப்பதாக மனிதாபிமான அமைப்புக்கள் சுட்டிக்காட்டியுள்ளன.

பாரிய மனித அவலங்களை சந்திக்கும் பல நாடுகள் மற்றும் பிரதேசங்களுடன் ஒப்பிடும்போதும், இலங்கையில் உள்நாட்டில் இடம்பெயர்ந்த இந்த மக்கள் மீது உலகின் கவனம் கணிசமாகவேனும் இருப்பது மகிழ்ச்சிதரும் விடயம். ஐக்கிய நாடுகளின் செயலாளர் நாயகம் இந்த விடயத்தில் நேரடியாகத் தலையீடு செய்து, இடம்பெயர்ந்த மக்களைப் பார்வையிட்டடமையானது இந்த மக்களின் பிரச்சினைகளுக்கான விரைவான தீர்வு குறித்த நம்பிக்கையை ஏற்படுத்தியுள்ளது. இந்த வருட இறுதிக்குள் இடம்பெர்ந்தவர்களின் 80 வீதமானோரை அவர்களின் சொந்த இடங்களில் குடியமர்த்துவதாக அரசாங்கம் ஐ.நா. வுக்கு வழங்கியிருக்கும் வாக்குறுதி இந்த நம்பிக்கையை மேலும் வலுவடையச் செய்கிறது.

இலங்கை வரலாற்றில் மிகப்பெரும் மனிதப் பேரவலத்துக்கு முகம் கொடுத்துள்ள இந்த மக்களின் பிரச்சினைகளுக்குத் தீர்வு காண்பதைத் தொடர்ந்து, கடந்த இரண்டு தசாப்தங்களுக்கு முன்னர் இடம்பெயர்ந்து இன்னமும் மீள்குடியமர்த்தப்படாமல் இருக்கும் யாழ் முஸ்லிம்கள் உள்ளிட்ட அனைத்து இடம்பெயர்ந்த மக்களும் மீண்டும் தமது சொந்த இடங்களில் போதிய வசதிகளுடன் மீள்குடியேற்றப்படுவதும் சாத்தியமாக்கப்படவேண்டும்.


Comments

Popular posts from this blog

சீன டிரகனிற்கு உணவாகும் கனேடிய புளுபெரி !!!

பிரேசில் நாட்டில் பறந்து கொண்டிருக்கும் ஒரு வண்ணத்துப் பூச்சியின் சிறகின் படபடப்பினால் ஏற்படும் சலசலப்பிற்கும், டெக்ஸாசில் ஏற்படும் சூறாவளிக்கும் தொடர்பு உண்டு" என்று வண்ணத்துப் பூச்சி விளைவு' (Butterfly effect) என்ற கோட்பாட்டை உருவாக்கிய'எட்வார்ட் லோரன்ஸ்' (Edward Lorenz) கூறினார்.

 இது உலக அரசியல் மாற்றங்களுக்கு மிகப் பொருத்தமான கோட்பாடாக கருதப்படுகின்றது. ஆசியப்பிராந்தியத்தின் வல்லாதிக்கப் போட்டியில் ஈடுபட்டுள்ள இருநாடுகள் தமக்கிடையிலான நெருக்கத்தை அதிகரிக்கும் போது மேற்குலகம் அதன் பிரதிபலிப்பை எவ்வாறு வெளிப்படுத்த் போகின்றது. என்ற எதிர்பார்ப்பு கடந்த சில வாரங்களாகவே அரசியல் அவதானிகள் மத்தியில் தோற்றம் பெற்றிருந்தது. குறிப்பாக சீனாவுடன் நெருக்கமான உறவைக் கொண்டுள்ள நரேந்திர தாமோதரதாஸ் மோடி இந்தியாவின்15வது பிரதமராக பதவியேற்ற பின்னர் மேற்குலகின் வெளியுறவுக் கொள்கைகளில் தீடீர் மாற்றங்கள் எதிர்பார்க்கப்பட்டன.

ஆனால் அதில் ஏனைய நாடுகளை பின்தள்ளி சீனாவுடனான புதிய உறவிற்கு அதிக முனைப்புக் காட்டியிருக்கின்றது கனடாவின் ஹாபர் அரசாங்கம். கனேடிய பிரதமரின் சீன விஜயத்தின் போ…

எங்களை கைவிட்டு காலம் ஒடிக்கொண்டிருக்கின்றது !

2009 பேரவலத்தின் முடிவில் ஆயுதப் போராட்டம் மௌனிக்கப்பட்ட பின்னர் தமிழ் மக்களின் தேசிய விடுதலைப் போராட்டம் வேறு தளங்களுக்கு நகர்த்தப்பட வேண்டிய நிலை உருவானது. ஆயுதப் போராட்டங்களின் மூலமாக தனி நாடு உருவாக முடியும் என்ற சித்தாந்தம் மாற்றமடைந்திருக்கும் அல்லது மாற்றியமைக்கப்பட்டிருக்கும் உலக நடைமுறையினை நாங்கள் ஏற்றுக் கொள்ள வேண்டிய நிலை உருவாக்கப்பட்டுள்ளது. ஆனாலும் கடந்த மூன்று தசாப்தகால போராட்டத்தில் எமக்கான தேசம் என்ற ஒற்றை இலக்கிற்காய் மடிந்து போனவர்களின் கனவுகளை அப்படியே தூக்கி எறிந்து விட்டு நாம் சென்று விட முடியாது. 2009 ற்கு முன்னர் விடுதலைப் போரின் ஆதரவுத் தளமாக இருந்த புலம்பெயர் தமிழர்கள் 2009 ற்கு பின்னர் விடுதலைக்கான முனைப்புகளின் முன்னிலைப் படுத்தப்படுத்தப்பட்டுள்ளார்கள். ஆதனால் தான் புலம் பெயர் தமிழர்களின் ஒற்றுமையை சிதைப்பதற்கும் அது சார்ந்த மக்களின் நம்பிக்கைகளை குலைப்பதற்கும் ஸ்ரீலங்கா அரசு கடும் பிரயத்தனங்களை மேற்கொண்டு வருகின்றது. ஆயுதப் போராட்டம் ஏற்படுத்த முடியாத நீண்டகால பேரழிவுகளை புலம் பெயர் தமிழர்களால் ஏற்படுத்த முடியும் என்று ஸ்ரீலங்கா அரசு நம்புகின்றது …

முகம் தந்த மனிதருக்கு நன்றிகளுடன்...

கடந்து செல்லும் காலங்களில் நாங்கள் பல முகங்களை மறந்து விடுகின்றோம் அல்லது அந்த முகங்கள் எங்கள் மனங்களில் இருந்து விலகிச் சென்றுவிடுகின்றன.

எங்கள் வளர்ச்சியிலும், உயர்ச்சியிலும் பங்கெடுத்த முகங்களும் கால ஓட்டத்தில் எங்கள் மனங்களில் இருந்து காணமால் போய் விடும் துயரங்களும் நிகழ்வாகின்றன.



நான் ஒலிபரப்புத் துறையில் எதனையும் பெரிதாக சாதிக்கவில்லை என்பது எனக்கு நன்றாகவே தெரியும்.

எனினும் வானொலி நிகழ்சிகளின் போதோ சந்திப்புகளின் போதோ சிலர் எனது ஒலிபரப்பு குறித்து தெரிவிக்கும் பாராட்டுகள் என்னை குற்ற  உணர்ச்சி கொள்ளச் செய்கின்றன.

இந்த பாராட்டுகளையும் வாழ்துக்களையும் எனக்கான அடையாளத்தையும் ஏற்படுத்தி தந்து விட்டு மௌனமாக கடந்து போகின்ற அந்த ஓரு மனிதர் குறித்து நான் என்ன செய்யப் போகின்றேன் என்ற கேள்வி எழுந்து கொண்டே இருக்கின்றது.

எனக்கு கிடைக்கும் பாராட்டுகளுக்கும் வாழத்துகளுக்கும் முழு முதல் காரணமானவர் அவர்.

கால ஓட்டத்தில் அவரின் முகம் சில வேளைகளில் எங்கள் மத்தியில் இருந்து மறந்து போகலாம் ஆனால் அவர் ஏற்படுத்தி விட்டுள்ள வானொலிக் கலாசாரம் என்றும் அவரின் பெயரை உரத்துச் சொல்லியவாறே இருக்கும் என்று …