Skip to main content

மீண்டும் அரங்கேறும் மகாபாரதக் காட்சிகள்…

“ தேர்தல்” இன்று இலங்கையில் வாழும் அனேகமானோரின் உரையாடல்களில் பரவிக்கிடக்கும் சொல் இது.”நம்பிக்கையான மாற்றமும்” “வளமான எதிர் காலமும்” குறித்த கனவுகளோடு நீலமும் பச்சையும் போர்திய மனிதர்கள் காத்துக்கிடக்கின்றார்கள்.

ஆனால் இந்த தேர்தல் அரிதாரங்கள் பூசாமல் எங்கள் உறவுகள் சொந்த மண்ணின் வாழ்விற்கான ஏக்கங்களுக்குள் முகம் புதைத்து நிற்கின்றனர்.

கொடுத்து சிவந்து போன கரங்களை கொண்ட வன்னி மண்ணின் மைந்தர்கள் இன்று அடுத்தவர்களின் ஒத்தழைப்புக்களை எதிர் பாத்து ஏங்கும் வாழ்நிலைக்குள் தள்ளப்பட்டுள்ளனர்.

இன்னும் இன்னும் சொல்லப்பாட பல சங்கடங்களும் சொல்ல முடியாத சங்கதிகளும் இந்த மக்களை பற்றி நிறைந்து கிடைகின்றது.

ஆனால் இவற்றையும் தாண்டி இன்று இவர்களிடமே இரந்து யாசகம் கேட்கின்றனர் அவர்கள்.

இந்த நிலை பாரதப் போரின் இறுதி தருணங்களை ஏனோ ஞாபாகிக்க வைத்து விடுகின்றது.

யுத்த களத்தில் கர்ணனை தனது சாணக்கியத்தால் சரித்து விட்டு பின்பும் அவன் உயிர்காத்து நின்ற அவனின் தர்மத்தை தானமாக பெற்று அவனை கொன்ற கண்ணனை போல் தமிழ் மக்களின் வாக்குகளிற்காக கையேந்தி நிற்கின்றவர்களை பார்க்கத் தோன்றுகின்றது.

யுத்த களத்தில் நகர்த்தப்பட்ட காய்களால் குண்டு பட்டு சரிந்த கிடக்கின்ற தமிழினம் என்கின்ற கர்ணனிடம் தங்கள் வெற்றிக்கா இப்போது வாக்குகளை தானமாக நிற்கின்றார்கள் அவர்கள்.

ஓரே மாற்றம் கண்ணன் மட்டுமல்ல அர்ஜுனனும் கூடவே தானம் கேட்டு வந்துள்ளாளன்.

கர்ணன் புதைந்து போன தே்ாக்காலை அசைக்கப் முற்பட்ட போது அவன் மீது அம்பு வீசி கொல்லச் சொன்ன கண்ணனுக்கு தங்கள் தர்மத்தை எல்லாம் தானமாக கொடுப்பதா அல்லது அம்பு வீசி சரித்த அர்ஜுனனுக்கு தானமளிப்பதாக என்று குழப்பிப் போய் கிடக்கின்றான் கர்ணன் இல்லை இல்லை தமிழன்.

தான் சொன்னதை கர்ணன் கேட்கத்தவறியதால் அவனை தவிக்க விட்டு போன சல்லிய மன்னனும் கர்ணனின் வீழ்ச்சியில் பங்கு கொண்டவர்கள் என்பதும் இங்கே ஞாபகத்திற்கு வருகின்றது.

தானம் கேட்டு வந்தவர்கள் தவித்த வாய்களுக்கு தண்ணீராவது தரக் கூடாத என்ற ஏக்கங்களோடு சரிந்து கிடக்கின்றான் தமிழன்.



தமிழ் பேசும் சிறுபான்மைச் சமூகங்கள் இன்று என்றுமில்லாத முக்கியத்துவத்தை பெற்று நிற்கின்றார்கள்.

இலங்கையின் அடுத்த ஜனாதிபதி யாராக இருந்தாலும் அவர் சிறுபான்மை மக்களால் தெரிவு செய்யப்படுபவராகவே இருக்கப் போகின்றார்

நீலமும் பச்சையும் சிங்கள மக்களின் வாக்குகளை சரி சமமாக பங்கு போட்டு கொண்டுள்ளன.

இப்போது மிஞ்சியிருப்பது அப்பாவி சிறுபான்மையினரின் வாக்குகள் அவர்கள் யாருக்கு புள்ளடி போடுகின்றார்கயோ அந்த புள்ளடி ராஜா தான் இலங்கையின் அடுத்த ஜனாதிபதி.

இலங்கையின் தென் மாகாணத்தின் ஹம்பாந்தோட்டை மற்றும் அம்பாலாங்கொடை ஆகிய இரு மாவட்டங்களும் அருகருகானவை.

இந்த இரு மாவட்டங்களினதும் புதல்வர்கள் தான் ஜனாதிபதித் தேர்தலில் நேருக்க நேர் பொருதி நிற்கின்றார்கள்.

அதனால் முன்னைய தேர்தல்களை போல மேட்டுக் குடி சிங்களவர்களுக்கும் தென் பகுதி சிங்களவர்களுக்குமான தேர்தலாக இது இருக்காது.

தென் பகுதியின் சிங்கங்கள் இரண்டுக்கு இடையிலான புதிய களமாகவே இந்த தேர்தல் நோக்கப்படுகின்றது.

யுத்த வெற்றியை பங்கு போடுவதும் அதை சிங்கள மக்கள் மத்தியில் சிறப்பான முறையில் விற்பனை செய்வதும் தான் இவர்கள் முன்னுள்ள முக்கிய சவால்

யார் சிறந்த வியாபாரி என்பதையே இந்த தேர்தல் முடிவுகள் வெளிப்படுத்தப் போகின்றன விற்பனை பொருளாகிப் போன நாங்கள் என்ன தான் செய்வது.

கீரைக்கடைக்கே எதிர் கடை வேண்டும் போது அரசியலில் இரு சம பலமிக்க வேட்பாளர்கள் போட்டியி்ட வேண்டியது தவிர்க்கப்பட முடியாதது தானே.

என்ன ஒரு கடையில் ஒன்றாக இருந்து வியாபாரம் செய்த இருவரில் ஒருவர் கணக்கு வழக்கு பிரச்சினைகளால் பிரிந்து சென்று புதிய கடை தொடங்கும் வாடிக்கையின் நீட்சி தானே இது.

என்ன இரண்டு கடைகள் வந்ததால் ஒரே குட்டையாய் சி…சிஈ கடையாய் இருந்த போது செய்த தில்லு முல்லுகள் எல்லாம் இப்போது வெளிச்சத்திற்கு வருகின்றன.


மக்கள் மத்தியில் சிறந்தவற்றை தெரிவு செய்வதற்கான வாய்ப்பு குறைந்து மோசமானவா்களிலயே கொஞ்சம் நல்ல மோசமானவர்களை தெரிவு செய்யும் தேவை ஏற்பட்டுள்ளது.

ஒருவரின் குடும்ப ஆட்சி பற்றி அதிகம் பேசும் மற்றவரின் குடும்பம் கூட அவர் வென்றால் ஆட்சி பீடம் ஏறும் என்கின்றன மறுதரப்பு.

இவர்களில் எவர் வென்றார் என்ற செய்தியை சொல்வதற்கு கூட ஊடகங்களுக்கு தடை போடப்பட்டிருக்கின்றது.

என்றுமில்லாதவாறு வன்முறைகள் அதிகரிக்கும் என்று எல்லோரும் அச்சத்தில் உறைந்து கிடக்கின்றனர்.

தேர்தல் முடிவுகளை விடவும் வன்முறைகளின் தீவிரம் குறித்தே அதிகம் பேர் அக்கறைப் படுகின்றனர்.

நம்பிக்கையான மாற்றமோ …? வளமான எதிர்காலமோ …? எல்லாமே (வெறும்) வார்தைகள் தானே என்கின்றான் எனக்குள் இருக்கும் அகதித் தமிழன் அவன் சொல்வதும் சொல்லாதததும் உண்மைதானே..

Comments

Sanjeeban said…
''நம்பிக்கையான மாற்றமோ …? வளமான எதிர்காலமோ …? எல்லாமே (வெறும்) வார்தைகள் தானே என்கின்றான் எனக்குள் இருக்கும் அகதித் தமிழன் அவன் சொல்வதும் சொல்லாதததும் உண்மைதானே."""

Anna, unamaiyana Tamilanin Valigal than Ivai..
Unarthiyamaikku Nantrikal

Sanjeeban.Canada.!

Popular posts from this blog

முகம் தந்த மனிதருக்கு நன்றிகளுடன்...

கடந்து செல்லும் காலங்களில் நாங்கள் பல முகங்களை மறந்து விடுகின்றோம் அல்லது அந்த முகங்கள் எங்கள் மனங்களில் இருந்து விலகிச் சென்றுவிடுகின்றன.

எங்கள் வளர்ச்சியிலும், உயர்ச்சியிலும் பங்கெடுத்த முகங்களும் கால ஓட்டத்தில் எங்கள் மனங்களில் இருந்து காணமால் போய் விடும் துயரங்களும் நிகழ்வாகின்றன.



நான் ஒலிபரப்புத் துறையில் எதனையும் பெரிதாக சாதிக்கவில்லை என்பது எனக்கு நன்றாகவே தெரியும்.

எனினும் வானொலி நிகழ்சிகளின் போதோ சந்திப்புகளின் போதோ சிலர் எனது ஒலிபரப்பு குறித்து தெரிவிக்கும் பாராட்டுகள் என்னை குற்ற  உணர்ச்சி கொள்ளச் செய்கின்றன.

இந்த பாராட்டுகளையும் வாழ்துக்களையும் எனக்கான அடையாளத்தையும் ஏற்படுத்தி தந்து விட்டு மௌனமாக கடந்து போகின்ற அந்த ஓரு மனிதர் குறித்து நான் என்ன செய்யப் போகின்றேன் என்ற கேள்வி எழுந்து கொண்டே இருக்கின்றது.

எனக்கு கிடைக்கும் பாராட்டுகளுக்கும் வாழத்துகளுக்கும் முழு முதல் காரணமானவர் அவர்.

கால ஓட்டத்தில் அவரின் முகம் சில வேளைகளில் எங்கள் மத்தியில் இருந்து மறந்து போகலாம் ஆனால் அவர் ஏற்படுத்தி விட்டுள்ள வானொலிக் கலாசாரம் என்றும் அவரின் பெயரை உரத்துச் சொல்லியவாறே இருக்கும் என்று …

ஒரு துவக்கும் ஒரு மோதிரமும் - A Gun and a Ring

ஒரு துவக்கும் ஒரு மோதிரமும் என்று பெயர் வைப்பதற்கு தான் அவர்கள் முதலில் யோசித்தார்கள் பின்னர் அது ஆங்கில வடிவம் பெற்று இன்று  A Gun and a Ring   ஆக எங்கள் முன் காட்சிப்படுத்தபபட்டுள்ளது.கடந்த சனிக்கிழமை இரவு இந்த திரைப்படத்தின் முன்னோட்டக்காட்சியினை காணும் சந்தர்ப்பம் எனக்கும் கிடைத்தது.




சீனாவில் நடைபெற்ற திரைப்பட விழாவிலும் மொன்ரியல் திரைப்பட விழாவிலும் சிறந்த திரைப்படம் என்ற அடையாளத்தை பெற்றிருக்கும் இந்த திரைப்படம் பெருமளவான எதிர்பார்பை ஏற்படுத்தி விட்டுள்ளதை அரங்கில் திரண்டிருந்த இரசிகர்களின் எண்ணிக்கை புலப்படுத்தியது.

நம்வர்கள் படைப்புகள் என்றாலே தூர விலகி ஓடும் நம்மவர்களே நான்கு அரங்குகளிலும் இதன் முதல் காட்சியை பார்க்கும் ஆவலோடு காத்திருந்தமை ஆரோக்கியமான மாற்றத்தின் அறிகுறி.

அந்த ஆவலை எந்த வகையிலும் பாதிக்காத படைப்பாக அது அமைந்திருந்தது மகிழ்ச்சிக்குரியது.

80 களில் ஆரம்பித்த தமிழ் மக்களின் விடுதலைக்கான ஆயுதப் போராட்டம் 2009 ல் முடிவிற்கு கொண்டு வரப்பட்டுள்ளது.

இதனை ஒரு தகவலாக அல்லது செய்தியாக மாற்றினங்கள் கடந்து போகக் கூடும் ஆனால் இந்த மூன்று தசாப்பதங்களையும் யுத்த முனைகளிலும் …

பன்னிரண்டாவது வருடத்தில் சூரியன்....

நேற்று போல் தான் இருக்கின்றது ஆனாலும் 11 வருடங்கள் உருண்டோடி முடிந்து விட்டது.சூரியன் தனது ஒலிக்கரங்கள் கொண்டு தமிழ் பேசும் நெஞ்சங்களை அரவணைக்க ஆரம்பித்து 11 ஆண்டுகள் நிறைவடைகின்றது.



எத்தனை சாதனைகள் எத்தனை வேதனைகள் அத்தனையும் தாண்டி இன்றும் மக்கள் மனங்களில் தனித்துவமான அடையாளத்தோடு நிமிர்ந்து நிற்கின்றான் சூரியன்.

உலக வர்த்தக மையத்தின் 35வது தளத்தில் இருந்து இலங்கை முழுவதற்கும் தமிழ் பரப்பும் வானொலியின் 11 வருடம் என்பது தமிழ் பேசும் மக்கள் அனைவரும் பெருமை கொள்ளத்தக்கது.இலங்கையின் முதன் முதலாக 24 மணி நேர தமிழ் ஒலிபரப்பை ஆரம்பித்த தனியார் ஒலிப்பரப்பு ஊடகம் சூரியன்.

வானொலி மீதான மக்களின் அவதானிப்பு குறைவாக இருந்த காலத்தில் ஒரு புரட்சிகரமான மாற்றத்தை ஏற்படுத்தியது சூரியன் என்பதில் எவருக்கும் மாற்றுக் கருத்துக்கள் இருக்க முடியாது.வானொலிக்கென வகுக்கப்பட்ட சம்பிரதாயங்களை உடைத்து ஒரு மாற்றத்தை தமிழ் ஊடகப் பரப்பில் ஏற்படுத்திக் காட்டியது சூரியன்.





தமிழ் ஒலிபரப்பு துறையின் தாயகமான இலங்கை ஒலிபரப்புக் கூட்டுத்தாபனத்தில் பல வருடங்கள் பணியாற்றிய பழுத்த ஒலிபரப்பாளர் நடராஜசிவம் தலைமையில் புதிய இளைஞர்கள் க…